භාෂාවේ ප‍්‍රභවය භාෂාව බිහිවීම පිළිබඳ පසුබිම ගොඩනැගුනේ කෙසේද යන ප‍්‍රශ්නය මානව ඉතිහාසය තුළ සැලකිය යුතු මතිමතාන්තර රැසක් බිහිවීමට තුඩුදුන් එකකි.කෙසේවුව ද ලිඛිත භාෂාව මෙන් නොව කථික භාෂාව කිසිදු ශේෂයක් නොතබයි.මේ හේතුව නිසා භාෂාවේ ප‍්‍රභවය සොයාගැනීම පිණිස උත්සාහයන්හි නිරත වාග් විද්‍යාඥයින්ට ඒ සඳහා විවිධ ක‍්‍රම උපයෝගී කර ගැනීමට සිදුව ඇත.මුල්වරට මානවයා විසින් භාෂාවක් භාවිත කළ බව මානව විද්‍යාඥයන් විශ්වාස කරන්නේ හෝමෝ හැබිලිස් මානවයාය.ඔවුන් මීට වසර මිලියන 2.8 ත් 1.5 අතර කාලයේ මිහිමත වාසය කළහ.මොවුන්ගේ පොසිල විශ්ලේෂණය කළ මානව විද්‍යාඥයින්ට හැබිලිස් මානවයන්ට තරමක දියුණු මොළයක් පැවති බවත් හිස් කබලේ වූ හනු පිහිටා තිබෙන ආකාරය ආදිය සලකා බැලීමේ දී මොවුන් මුලින්ම භාෂාමය කතා කාර්යයට මුලපිරූ මානවයන් ලෙස පැහැදිලි වන බව විද්‍යාඥයන් අවධාරනය කරති. භාෂාවේ සුලමුල පිළිබඳව ඉඳුරාම කිව නොහැකි නමුත් භාෂාවේ ප‍්‍රභවය පිළිබඳ විවිධ මත ඉදිරිපත් විය.එනම්, ං නිර්මාණවාදී මතය  ං පරිණාමවාදී මතය  ං අංග වික්ෂේප මතය ං මුඛ වික්ෂේප මතය ක‍්‍රිස්තියානි ලබ්ධිකයින් විසින් ලොව ප‍්‍රථම භාෂාව ලෙස පිළිගන්නේ දෙවියන් දේශනා ස...